Na Coruña hai moitas librarías, pero ningunha con dous Danis e un can recepcionista. Somos unha libraría de libro vello (algún novo tamén, non podemos evitalo xd). Libros de segunda man, usados, raros, curiosidades, clásicos, historias de todos os estilos e, ademais, todo moi ordenado (intentámolo xd). Se buscas un lugar tranquilo e agradable… esta é a túa tobeira :)
A Tobeira de Oza é unha libraría de libros usados e libro vello, cun catálogo online moi coidado. A libraría está na Coruña, no barrio dos Castros, e traballamos con libros de segunda man organizados en máis de 100 categorías para facilitar a busca e a exploración. O noso fondo reúne literatura, ensaio e pensamento, con títulos clásicos, raros ou difíciles de atopar. Se che gusta buscar entre milleiros de libros, podes visitarnos na libraría ou perderte con calma na nosa web.
