Criar um povo forte

Criar um povo forte

Criar um povo forte é unha recopilación de artigos do académico e militante anarquista brasileiro Felipe Corrêa. Ao longo destas páxinas o autor mergúllase nas fontes históricas e teóricas do anarquismo para identificar as súas principais correntes e liñas de debate. A partir delas, e por medio dunha perspectiva crítica, propón unha actualización dos seus postulados básicos.

Pero, alén da tradición e da teoría libertarias, Corrêa presenta nesta obra algunhas teses e cuestións prácticas sobre organización anarquista que parten da súa longa traxectoria militante na Coordenaçao Anarquista Brasileira (CAB) e na Organização Socialista Libertária (OSL).

O libro que tes entre as mans achega á Galiza algúns dos debates estratéxicos que o anarquismo social e organizado brasileiro ven desenvolvendo nas últimas décadas, servindo de base para unha reflexión colectiva acerca do poder popular e o futuro do anarquismo galego.